psikologji.net
Gusht 27, 2014, 06:49:35 PD *
Miresevini, Vizitor. Ju lutemi identifikohuni ose regjistrohuni.

Identifikohuni me emrin, fjalekalimin dhe kohen e identifikimit
Njoftime: Lexoni materiale të ndryshme në: Psikologji - Gjithçka nga www.Psikologji.net <> Për të pasur të drejta dhe akses të plotë në të gjithë forumin, ju duhet të regjistroheni së pari. Për t'u regjistruar klikoni këtu: Regjistrohuni. Për çdo problem mund të na kontaktoni në: eldi@psikologji.net
 
  Kreu Forum Ndihme Kerko Kalendari Shop Identifkohuni Regjistrohuni  
Faqe: [1]   Shko Poshte
  Printo  
Autor Teme: Dietologji  (Lexuar 2529 here)
0 Anetare dhe 1 Vizitor po shikojne kete teme.
Gresa Pirana
Global Moderator
Qytetar/e Nderi
*****
Jo Ne Linje Jo Ne Linje

Gjinia: Femer
Postime: 2982
8978.00 Kredite

View Inventory
Send Money to Gresa Pirana


Shiko Profilin
« : Gusht 31, 2009, 11:39:31 PD »

Pershendetje ..

Po e hap kete teme ne menyre qe mund te diskutojme per ,menyren e konsumit te ushqimit te shendetshem,dihet se cdo gje qe futet ne organizem duhet kushtuar kujdes te veqante.Me posht do ti paraqes disa vlera ushqyese qe jane pjese e nje punimi timi gjithe ju qe deshironi te konsultoheni per menyre te shendetshme te te ushqyerit jam e hapur te i'u ndihmoj.. Cheesy

Vlerat ushqyese dhe kurative te bananes-
Me një tul të butë dhe të ëmbël, e paketuar në lëkurën e saj të verdhë, banania është një nga frutat më të mrekullueshëm dhe më të gjendshëm gjatë gjithë vitit.

Bananet rriten deri në 10 m lartësi dhe i përkasin familjes së lilit dhe orkidesë.
Ky frut kremoz, i ëmbël dhe i pasur është një nga të preferuarit për të gjitha grupmoshat, nga bebet deri të moshuarit.

Benefitet

Ofron mbrojtje për sistemin kardiovaskular nga fibrat dhe kaliumi
Bananet janë shumë të pasura me kalium, një mineral ky nga më të rëndësishmit për të mbajtur presionin e gjakut në nivele optimale dhe për mbarëvajtjen e funksionit të zemrës. Duke qenë se përmban rreth 460 mg kalium, një banane në ditë mund të parandalojë hipertensionin dhe të mbrojë në këtë mënyrë nga arterioskleroza.

Bananet mbrojnë kundër ulcerës

Bananet njihen që herët për vetinë e tyre për të ulur aciditetin e stomakut, dhe si rezultat të mbron kundër ulcerës dhe dëmeve që ajo shkakton. Në një studim, një përzierje e qumështit me banane, uli në mënyrë të konsiderueshme aciditetin e stomakut. Në një tjetër studim në kafshë, shkencëtarët vunë re se banania e freskët e mbronte stomakun nga plagët.
Banania e luan rolin e saj mbrojtës në 2 mënyra: së pari, disa substanca që ndodhen te bananet ndihmojnë aktivizimin e disa qelizave, që përbëjnë shtresën e jashtme të stomakut, atë që vjen në kontakt me ushqimin, e cila prodhon dhe mukozën që e ruan stomakun nga aciditeti. Së dyti, disa përbërës të tjerë, që quhen inhibitorë të proteasave ndihmojnë në eliminimin e disa baktereve në stomak, të cilët janë akuzuar si kryesorë në shkaktimin e ulcerës në stomak.

Ndihmojnë në periudhat e eliminimit...

Në rastet e diarresë së shpeshtë, për shkaqe të ndryshme, na duhet të eliminojmë ushqime që mund të agravojnë situatën. Një episod diarreje mund të zbrazë depozitat tona në elektrolite shumë të rëndësishëm. Bananet mund të na plotësojnë mangësitë në kalium, një nga elektrolitet më të rëndësishëm, i cili ndihmon në rregullimin e funksionit të zemrës dhe në balancën e lëngjeve në trup.
Gjithashtu, bananet përmbajnë pektinë, një lloj fibre e tretshme, e cila ndihmon shumë në normalizimin e aparatit tretës dhe lehtëson konstipacionin. Ëmbëlsia dhe përmbajtja në sheqer e bananeve varion në saje të pjekjes së tyre. Kur ato janë pak të pjekura (me ngjyrën e verdhë gati jeshile) kanë një indeks glicemik më të ulët. Kjo i bën bananet një nga frutat më të rekomandueshëm, në të kundërt të famës që ato kanë.
Bananet mbrojnë shikimin tonë
Mamaja juaj mund t'ju ketë thënë se karotat ju ndihmojnë për shikim më të qartë të syve kur ishit fëmijë, por për adutët duket se konsumimi i frutave është më i rëndësishëm për këtë. Në një botim të Archives of Ophthalmology, përmendet se konsumi i të paktën 3 frutave në ditë, ndihmon shumë në parandalimin e përkeqësimit të shikimit me kalimin e moshës.
Banania është një nga frutat që, nëse e konsumojmë përditë, në kombinim me fruta të ngjyrave të kuqe dhe jeshile, do të ndihmonte shumë për të pasur shikim më të mirë me kalimin e moshës.

Forconi kockat me banane...

Po, është e vërtetë, nëse vendosni bananet rregullisht në menynë tuaj, ndihmon në absorbimin e kalciumit, elementit më të rëndësishëm në ndërtimin e kockave tona.
Bananet përmbajnë një prebiotik, i cili ushqen bakteret miqësore të kolonit. Këto baktere prodhojnë vitamina dhe enzima, të cilat ndihmojnë shumë aftësitë tona për të absorbuar nutrientë shumë të rëndësishëm, siç është dhe kalciumi.
Gjithashtu, koha e kalimit të ushqimit në zorrë zgjatet dhe, në këtë mënyrë, ulet rreziku i kancerit të zorrës së trashë.
Bananet jeshile përmbajnë acide lyrore të shkurtra, të cilët janë më të preferuarit për qelizat që përbëjnë shtresën e parë të zorrës. Kur këto qeliza ushqehen mirë, ato janë shumë më të afta për të absorbuar kalciumin dhe nutrientë të tjerë të vlefshëm.

Disa banane janë burim i pasur edhe i karotenoideve të ndryshëm. Ato me ngjyrë sa më të artë kanë dhe përmbajtjen më të lartë.

Bananet ndihmojnë shëndetin e veshkave tona kur konsumohen rregullisht, por me masë

Rreth 190.000 raste kanceri të veshkave identifikohen çdo vit në Amerikë. Faktorët e riskut përfshijnë duhanpirjen, obezitetin, hipertensionin dhe ekspozimin në disa substanca toksike, si asbestos dhe kadmiumi. Faktorë dietetikë janë vënë re si parandalues. Konsumi i rregullt dhe i përditshëm i fruta-zarzavateve të pasura me fibra bimore, por kryesisht konsumi i bananeve është lidhur me mbrojtjen e veshkave nga kanceri.

Sa shpesh të konsumojmë banane

Një banane të vogël mund ta konsumojmë edhe përditë, duke e kombinuar atë me 2-3 fruta të tjerë, të llojeve dhe ngjyrave të ndryshme.
Banania mund të përfshihet në ëmbëlsira, në kos me fruta dhe pak mjaltë, si dhe në lëng të freskët frutash.
Identifikuar

Gresa Pirana
Global Moderator
Qytetar/e Nderi
*****
Jo Ne Linje Jo Ne Linje

Gjinia: Femer
Postime: 2982
8978.00 Kredite

View Inventory
Send Money to Gresa Pirana


Shiko Profilin
« Pergjigje #1 : Gusht 31, 2009, 11:41:03 PD »

Vazhdim -20 rruge per t'u ushqyer shendetshem:
1. Cilat fruta dhe perime janë më ushqyeset?
Je e keni të nevojshme të hani një shumëllojshmëri frutash dhe zarzavatesh çdo ditë për të përfituar maksimumin e lëndëve ushqyese, kështu që mos ngurroni të ushqeheni ndryshe dhe në mënyrë të pasur dhe nëse ju parapëlqeni zarzavatet, hidhini një sy dietës së mëposhtme:
Brokoli (lakra të vogla jeshile): një burim fantastik i pashtershëm vitamine C, betakarotine, acidi folik, hekuri dhe potasi. Përmbajnë gjithashtu përbërës të quajtur indolë, që ndihmojnë në parandalimin e kancerit. Të freskëta apo të kaluara në mikrovalë sepse po të ziejnë, ato i humbin vlerat që ofron vitamina C.
Shpargu: një ushqim çudibërës me veti të spikatura mjekësore. Shpargu është i pasur në acid folik dhe vitamina C, E dhe betakorotinë.
Lakra e bardhë: një ushqim i pasur në vitamina C, K, E dhe potas. Përmban gjithashtu betakarotinë, fibra, tiaminë dhe të tjera substanca për parandalimin e kancerit.

2. A duhet të kujdeseni për kurbën glicemike të ushqimeve?
Kurba glicemike është një sistem matjeje që tregon shpejtësinë me të cilën absorbohen lëndët karbohidrike dhe se si përdoren ato nga trupi. Si një rregull i përgjithshëm, njerëzit duhet të përpiqen të hanë ushqime me kurbë glicemike lehtësisht të asimilueshme, duke zgjedhur bukë të zezë në vend të asaj të bardhë për shembull. Kjo ju ndihmon të keni energji më të qëndrueshme. Gjithashtu, keni shumë kujdes nga ushqimet e shpejta dhe që herë pas here asimilohen me shumë vështirësi.

3. Në çfarë sasie sheqeri konsiderohet i tepërt?
Kini kujdes nga niveli i yndyrnave në një ushqim sepse yndyrnat kanë tendencë të shndërrohen në sheqer. Sheqeri nuk përmban nutrientë, por vetëm kalori. Specialistët e të ushqyerit konsiderojnë si sheqerna të tepërta ato që gjenden në produkte të tilla si kekët dhe këto duhet të kontrollohen që të mos japin më shumë se 10% të kalorive ditore, pra që do të thotë të mos konsumohen më shumë se 200 kalori nga këto lloj ushqimesh të ëmbla. Një lugë çaji me sheqer përmban rreth 16 kalori dhe një gotë e madhe me lëng përmban rreth nëntë lugë sheqer, pra 144 kalori të panevojshme. Hiqni dorë nga sheqernat e panevojshme dhe zëvendësojini ato me fruta të freskëta ose me nënprodukte të frutave dhe të sheqernave të përfituara prej tyre.

4. Sa kalori më nevojiten në një ditë?
Mesatarja për një grua është rreth 2000 kalori në ditë, por nevojat për kalori mund të ndryshojnë në mënyrë dramatike sipas llojit të jetës që ju bëni dhe sa aktive është ajo. Nga 20 deri 50% e nevojave tuaja ditore për kalori janë të përcaktuara nga veprimtaria fizike. Pjesa tjetër harxhohet nga funksionet e tjera bazë të organizmit, si: frymëmarrja, qarkullimi i gjakut dhe funksionimi i qelizave.

5. A është vërtet fast food-i kaq i keq për shëndetin tim?
Chips (patatet e fërguara) kanë vitaminë C dhe milkshake-t përmbajnë kalcium, por mos kaloni në eufori, sepse disa fast food-e shtojnë sheqerna në patatet e tyre të fërguara, si dhe shtojnë yndyrna në hot dog-e dhe në byrekët me mish. Disa nga ushqimet e tyre mund të përmbajnë më shumë se 20 lugë sheqerna dhe disa përmbajnë më shumë se gjysma e sasisë ditore të kripës që ju duhet të merrni.
Fast food-i është vërtet i keq për shëndetin tuaj nëse ju ekskluzivisht merrni ushqime të fërguara dhe të shtuara me yndyrna dhe sheqerna.

6. A është mishi i mbushur me antibiotikë?
Ka një shqetësim në rritje rreth përdorimit në sasi të mëdha të antibiotikëve në prodhimin e mishit dhe efektet e mundshme të tyre në shëndetin e njeriut. Shumë nga fermat që merren me rritjen e bagëtive i ushqejnë këto me antibiotikë përditë për të pasur një peshë më të madhe të bagëtive dhe për të luftuar sëmundjet e mundshme te kafshët. Frika që ekziston lidhet me faktin se mbidozat e antibiotikëve mund të çojnë në krijimin e viruseve të fuqishme dhe shumë rezistente ndaj antibiotikëve dhe këto viruse mund të infektojnë njerëzit. Hani mish organik sa më shumë që te jetë e mundur!

7. A janë frutat dhe zarzavatet organike më të ushqyeshme?
Kjo temë është tepër e debatueshme në disa nga fermat që i prodhojnë këto, por kërkimet e fundit të bëra nga shoqatat për ushqime organike tregojnë se keto janë me të vërtetë tepër të ushqyeshme dhe kanë nivele shumë më të larta të vitaminës C, magnezit, hekurit dhe fosforit.
Spinaqi, sallata jeshile, lakra e bardhë dhe patatet treguan qartë nivele më të larta lëndësh ushqyese, nga 10 deri 50% më shumë vlera ushqimore. Supat e përgatitura nga zarzavatet organike përmbajnë nivele të larta të acidit salici, i cili ndihmon në luftimin e arteriosklerozës dhe kancerit të zorrëve.

8. A ekziston një dietë e përkryer?
Shkencëtarët nuk kanë përcaktuar ende se çfarë përfaqëson një dietë perfekte sepse çdo vit që kalon nxjerr në pah prova të reja për ushqimet që janë potencialisht të dëmshme ose ushqimet që kanë efekte shëruese. Shkencëtarët amerikanë mendojnë se një piramidë ushqimore e mbështetur te drithërat, frutat, zarzavatet, peshku dhe mishi i shpendëve (më tepër sesa mishi i kuq), si dhe sasi të kujdesshme yndyrnash dhe sheqernash mund t’ju ushqejë ju në mënyrën më të shëndetshme. Për një grua aktive këshillohet si menu ideale kjo e mëposhtmja:
Mëngjes: Një banane dhe luleshtrydhe të ëmbla, një fetë bukë e zezë me margarinë luledielli dhe mjaltë. Dreka: Sallatë peshku dhe zarzavatesh dhe kivi si frut. Darka: Pulë me bizele, patate të pjekura dhe sallatë jeshile. Ëmbëlsirë petull me reçel frutash. Pini pa kursyer ujë, lëng zarzavatesh jeshile dhe sallatë, çaj vegjetal dhe lëng limoni. Mund të merrni edhe pak alkool dhe pak produkte çokollate. Dikush që bën një jetë tepër aktive ka nevojë t’i shtojë dietës së tij më shumë kalori.

9. Çfarë është e shëndetshme të konsumohet midis vakteve?
Provoni një gotë kos natyral me pak fruta të thata ose drithëra. Këto janë produkte shumë të ushqyeshme midis vakteve. Mund të përdoret dhe një sasi e vogël bajamesh pa kripë, të cilat shtojnë tek ju acidet dhe vitaminën E.

10. A duhet ta ndaloj konsumin e brumërave dhe të bulmetrave?
Jo, kur keni prova të qarta se keni nevojë për to. Shumë njerëz me mendjen e tyre kanë hequr dorë nga këto produkte pa u këshilluar fillimisht dhe pa pasur arsye të mirëfillta për ta bërë këtë. Dhe nga kjo shpesh rrjedhin intoleranca ndaj ushqimeve, si dhe alergji ndaj përbërësve të këtyre ushqimeve. Vetëm doktori mund t’ju thotë se ju keni alergji ndaj prodhimeve të qumështit apo brumërat, kështu që fillimisht konsultohuni me të. Nëse ju mendoni se nuk i toleroni mirë këto ushqime, mos i ndërprisni totalisht, por provoni vetëm një muaj dhe nëse simptomat rezistojnë, atëherë problemi juaj nuk janë brumërat apo bulmetrat. Mos i dramatizoni gjërat, merrini gjërat shtruar dhe me kujdes!

11. Çfarë duhet të ha për të pasur dhëmbë të shëndetshëm dhe një trup të fortë?
Përtyp një copë djathë pas vaktit ose zemrës. Dentistët thonë që enzimat që gjenden në djathë mund të neutralizojnë acidet në gojë dhe të ulin rrezikun e prishjes së dhëmbëve. Ulni sheqernat dhe pijet që përmbajnë sheqer, frutat e thata ose të konservuara, kështu që goja juaj nuk ekspozohet ndaj sheqerit gjatë ditës.

12. Më pëlqen të konsumoj pije alkoolike. Çfarë më këshilloni?
Kini kujdes nga pijet që përmbajnë nivele të larta të përbërësve të quajtur congener, si p.sh. likernat me ngjyrë apo konjaket. Evitoni gjithashtu verërat e lira dhe rakitë e dyshimta sepse mund të përmbajnë lëndë shtesë konservuese të pakontrolluara! Të gjitha këto lëndë janë të rënda për mëlçinë tuaj dhe mund t’ju shkaktojnë djegie dhe fryrje stomaku. Në mënyrë ideale preferoni një gotë verë të kuqe organike sepse kjo përmban nivele të larta antioksiduesish, si: lëngu i rrushit apo rakia, që ndihmon në luftën kundër sëmundjeve të zemrës.

13. Cili është mëngjesi më i shëndetshëm?
Një mëngjes i mirë mund të kontribuojë në dietën tuaj ditore për të dhënë kalori të mjaftueshme, disa proteina, një sasi të arsyeshme të karbohidrateve komplekse, pak yndyrna dhe shumëllojshmëri vitaminash dhe substancash minerale. Shumë njerëz nuk tolerojnë sasi të mëdha kalorish në mëngjesin e tyre, por sasia ideale do të ishte 400 deri 500 kalori në mëngjes për gratë dhe 550 – 650 kalori për burrat. Një mëngjes ideal do të ishte një kos biologjik me pak yndyrë, i përzier me një banane. Pastaj një gotë lëng portokalli shoqëruar me një copë bukë të zezë të thekur me mjaltë.
Ose provoni një gotë përzierje me ujë, qumësht, dy lugë mjaltë, një lugë rrush të thatë dhe një gotë lëng portokalli dhe në fund një copë bukë të zezë të thekur.

14. Ku qëndron e vërteta për OMGJ-të?
Ende nuk është dhënë verdikti nga ekspertët për OMGJ-të nëse janë të dëmshme dhe a duhet të evitohen ato. Asnjë kërkim afatgjatë nuk është bërë për to dhe efektet afatgjata që ato mund të sjellin, si dhe efektet e tyre tek mjedisi. P.sh. disa inxhinierë gjenetikë përdorin antibiotikët dhe ekziston frika e krijimit të rezistencës ndaj antibiotikëve tek njerëzit, si dhe modifikimet e mundshme gjenetike që këto ushqime mund të sjellin te njeriu. Për të shmangur me sukses OMGJ-të, konsumoni sojën organike dhe produktet që e përmbajnë atë. Por siguria juaj e plotë qëndron te dietat me bazë tërësisht organike.

15. Ku konsiston një drekë e shëndetshme?
Dreka duhet të përbëjë një ekuilibër të plotë midis karbohidrateve dhe proteinave dhe pak yndyrna. Kjo sepse vakti juaj i mbrëmjes, nëse është i pasur me karbohidrate, ai do të përmbajë edhe një sasi të madhe të proteinave ditore që ju mund të merrni. Nëse merrni sasi të madhe karbohidratesh gjatë drekës, rrezikoni një mbasdite të plogësht.
Rekomandohet sallatë me ton dhe domate të freskëta, një pjatë makarona dhe një mollë në vend të ëmbëlsirës. Ose provoni thjerrëzat dhe një supë zarzavatesh me pak bukë të thekur, si dhe në fund një portokall.

16. Dietat e rekomanduara nga specialistët arrijnë të japin një kombinim ushqimesh?
Në qarkullim ka një pafundësi kombinimesh dietike brilante, kujdesuni që të mos dëshironi të arrini ndryshime dramatike, por gjithmonë zgjidhni dieta të ekuilibruara si ato më drithëra, zarzavate dhe fruta të freskëta, sasi të moderuara proteinash, si: peshku, mishi i freskët jo me yndyrë, si dhe pak qumësht, djathë dhe bulmetra të tjera. Dietat me baza proteinash mund të japin rezultate të shpejta dobësimi, por më vonë do t’ju nxisin të hani më tepër dhe do të rrisin rreziqet për sëmundje kardiake dhe kancer.

17. Cili është vakti ideal për në darkë?
Eshtë momenti më i përshtatshëm për të konsumuar pak karbohidrate sepse këto japin një efekt qetësues, relaksim dhe ndihmojnë gjumin e natës. Zgjidhni një vakt të pasur me karbohidrate, si çerealet, makaronat, patatet ose bishtajat, që do t’ju mbajnë edhe gjatë natës. Provoni një zog të pjekur me patate të reja me gjalpë, bizelet, sallatat e murrme, orizin, kajsitë dhe arrat apo frutat e shoqëruara me kos si deser.

18. A mund të konsumohet peshk? Mos vallë ai është me papastërti?
Po, kujdesuni të hani peshk, por zgjidhni peshk organik sa më shumë që të jetë e mundur. Ekziston rreziku që disa peshq deti apo lumenjsh mund të jenë të infektuar, prandaj e blini atë te tregtarët e licensuar. Vaji i peshkut parandalon sëmundjet e zemrës dhe sëmundjet kanceroze. Duhet pasur parasysh se peshku është tepër delikat dhe prishet lehtë, prandaj shpesh peshkrritësit i ushqejnë ata edhe me antibiotikë, sidomos në rezervuare. Pesticidet kanë tendencë të mblidhen në tëmth, prandaj më mirë hani peshk të rritur në mënyrë natyrore.

19. A është i rekomandueshëm konsumimi i sasive të mëdha të sallatës jeshile?
Përmbajtja ushqyese e sallatës jeshile ndryshon shumë nga pjesët që ju konsumoni prej saj, si dhe në çfarë periudhë të vitit ju e konsumoni atë. Megjithatë, sallata jeshile përmban pak kalori dhe ka rreth 90% ujë, që mund të jetë burim i kënaqshëm për vitamina dhe minerale.
Sallata më e errët dhe më aromatike ka më shumë lëndë ushqyese, si: acid folik, lëndë kimike dhe betakarotinë. Prandaj ajo është më ushqyese dhe rekomandohet në sëmundjet e gjakut. Uji përmban gjithashtu tretësira të vitaminave B dhe C, megjithatë këshilla mbetet përherë e njëjtë: hani sallatë organike, të freskët dhe pa pesticide.

20. Ushqimi i ngrirë a është ushqyes?
Këshilla është konsumimi i ushqimit sa më të freskët. Por edhe ky mund të ketë ditë që dergjet në dyqane dhe kështu vlerat ushqyese janë ulur në mënyrë të ndjeshme. Kështu që kur ushqimi i freskët e humb freskinë, më mirë konsumoni ushqimin e ngrirë, edhe pse ngrirja shkatërron një pjesë të vitaminave, të mineraleve, por të paktën nuk ekziston rreziku i helmimit. Kur ushqimet nuk janë më të freskëta, ato humbin rreth 70% të vlerave ushqyese, ndërsa ushqimet e ngrira nuk humbin më shumë se 50% të vlerave ushqyese.
Identifikuar

Gresa Pirana
Global Moderator
Qytetar/e Nderi
*****
Jo Ne Linje Jo Ne Linje

Gjinia: Femer
Postime: 2982
8978.00 Kredite

View Inventory
Send Money to Gresa Pirana


Shiko Profilin
« Pergjigje #2 : Gusht 31, 2009, 11:46:00 PD »

Perimet
Domatet dhe specat janë mjaft të pasura me vitaminë A, vitaminë C dhe
lycopene. P.sh. një domate mesatare ka pak sheqer dhe vetëm 35 kalori,
por ofron 40% të vitaminës C dhe 20% të vitaminës A, që organizmi ka
nevojë gjatë gjithë ditës. Domatet kanë edhe efekte dobiprurëse të
tjera. Duke konsumuar një dietë të pasur në domate është treguar
shkencërisht se ulet rreziku i kancerit të postatit dhe të disa llojeve
të kancerit të aparatit tretës. Kjo për arsye se domatja dhe
nënproduktet e saj janë të pasura në lycopene, një antioksidant i
fuqishëm, i cili jep disa frutave dhe zarzavateve ngjyrën e tyre.
Lycopene mund të parandalojë si dhe të kurojë disa lloje kanceri. Disa
studime mbështesin se mund të ndihmojë parandalimin e oksidimit të
kolesterolit të dëmshëm (LDL), i cili në këtë formë krijon pllakat dhe
ngushtimin e arterieve, duke rritur rrezikun e infarktit të zemrës. Po
ashtu dhe specat kanë gjithashtu antioksidantë, si beta karotene, i
cili forcon sistemin imunitar dhe parandalon dëmtimin e qelizave të
shkaktuar nga radikalet e lira (produkte të natyrshme të trupit, të
cilat rriten shumë me duhanpirjen dhe vënë në rrezik integritetin e
qelizave dhe të ADN-së). Studimet tregojnë se qelizat e dëmtuara mund
të çojnë në zhvillimin e disa sëmundjeve si kanceri dhe sëmundjet e
zemrës. Specat janë mjaft të pasura me vitaminë C. Vetëm një gjysmë
kupe speca jeshilë, të verdhë apo të kuq kanë më shumë se 230% të
sasisë së vitaminës C, që ka nevojë organizmi gjatë gjithë ditës.
Çfarë ushqimesh të tjera rekomandohen gjatë kësaj stine?
Po. Manaferrat dhe gjithë familja e tyre janë shumë të ushqyeshme, pasi
janë mjaft të pasura në vitaminë C, duke ndihmuar kështu në forcimin e
sistemit imunitar. Studime në botë kanë treguar se manaferrat janë të
pasura në një substancë të quajtur acid “ellagic”, i cili vepron si një
antioksidant dhe ndihmon trupin të inaktivizojë faktorë kancerogjenë,
si dhe ul riprodhimin e qelizave kanceroze. Duket se manaferrat
ndihmojë dhe në parandalimin e infeksioneve të kanalit urinar.
Manaferrat janë gjithashtu një burim i mirë fibrash, gjë që ndihmon dhe
në uljen e kolesterolit. Ushqim tjetër i shëndetshëm janë fasulet.
Benefiti i konsumit të fasuleve të ndryshme është i padiskutueshëm dhe
i gjerë si shumëllojshmëria e tyre. Të gjitha llojet e fasuleve janë
burime të pasura fibrash, proteinash dhe hekuri. Duke zëvendësuar me
fasule proteinat shtazore në një vakt, ulet sasia e kalorive, të
yndyrnave të dëmshme dhe ofrohet zero kolesterol. Janë në mënyrë të
veçantë të pasura në fibra të tretshme, çka ndihmon në nivelin e
kolesterolit të gjakut.


Psikologji.net
Identifikuar

Gresa Pirana
Global Moderator
Qytetar/e Nderi
*****
Jo Ne Linje Jo Ne Linje

Gjinia: Femer
Postime: 2982
8978.00 Kredite

View Inventory
Send Money to Gresa Pirana


Shiko Profilin
« Pergjigje #3 : Gusht 31, 2009, 11:50:09 PD »

Orizi vleat ushqyese

Besohet se kultivimi i orizit filloi me shume se 6500 vjet perpara. Te vjelat e para jane vene re ne Kine, 5000 vjet para Krishtit, si dhe ne Tailande, 4500 vjet para Krishtit. Ky lloj i orizit u kultivua ne Europe rreth 800 vjet p.K.

Civilizimet me te medha ne bote jane zhvilluar pas zbulimit te perdorimit si ushqim te dritherave te ndryshme, te cilat ofruan bollek ushqimor per shume popuj. Si shembull kemi misrin per Ameriken, grurin ne Europe (Greqi dhe Rome), dhe orizin ne Kine dhe Indi. Perdorimi i orizit u shpernda me shpejtesi te madhe nga Kina, India dhe Afrika, dhe aktualisht eshte nje nga ushqimet baze te mbare botes. Ne Azi eshte kaq i rendesishem sa ka influencuar gjuhen si dhe besimet. Ne shume gjuhe zyrtare dhe dialekte lokale, folja *te hash* ka te njejtin kuptim me *te hash oriz*!

Dy jane llojet e kultivuara per perdorim si ushqim: 1. Oryza Sativa - orizi i zakonshem aziatik, i cili e ka origjinen ne Lindjen e Larget, ne rreze te Himalajeve. 2. Oryza Glaberrima - me origjine ne Afriken Perendimore, me pak i perdorur dhe i shperndare.

Perberja ushqyese e 1 kupe oriz te gatuar

Orizi kaf Orizi i bardhe

*Nevojat ditore per Thiamine (vitamina B1) jane 1,2mg

Kalori 218266

Proteina (gr) 4,55

Karbohidrate (gr) 45,858,6

Fiber (gr) 3,50,5

Yndyrna (gr) 1,60,4

Acide lyrore te pangopura (gr) 0,60,1

Kolesterol 00

Thiamine (vitamina B1) 0,200,34 (e shtuar ne menyre artificiale)

Vitamine A 00

Orizi per parandalim dhe terapi

Ne kohen qe shume pak ilace njiheshin per tensionin e larte, orizi eshte perdorur si terapi kryesore. Tashme njihet se vetite e tij kuruese qendronin me teper ne nje diete pa yndyre, kripe dhe kolesterol, sesa vete te orizi. Nje rol me te vertete terapeutik i orizit eshte trajtimi i alergjive. Orizi eshte joalergjik dhe qumeshti i orizit eshte perdorur per foshnjat qe jane alergjike ndaj qumeshtit te lopes. Edhe proteinat e orizit jane perdorur per formula ushqyese per femije. Orizi eshte nje nga ushqimet kryesore te nje diete qe trajton diarrete e shkaqeve te ndryshme, pasi eshte shume *miqesor* per sistemin intestinal.

Keshilla dhe receta

Mund te konsumoni orizin 2-3 here ne jave, per ti lene vend dhe dritherave te tjera ne dieten tuaj te perditshme.

Preferoni orizin kaf ndaj atij te bardhe (pervec rasteve ku orizi perdoret si trajtim per diskomforte intestinale, si diarre etj.).

Personat qe vuajne nga diabeti eshte mire ta shoqerojne me zarzavate te fresketa dhe te mos abuzojne me sasine e tij.

Identifikuar

nor@
Anëtar kryesor
***
Jo Ne Linje Jo Ne Linje

Postime: 211
1644.00 Kredite

View Inventory
Send Money to nor@

Shiko Profilin
« Pergjigje #4 : Shtator 06, 2009, 06:01:09 PD »

teme e rendesishme do i hy ne pune te gjithe ata qe do e lexojne.
flm eriona per kete shkrim
Identifikuar
Gresa Pirana
Global Moderator
Qytetar/e Nderi
*****
Jo Ne Linje Jo Ne Linje

Gjinia: Femer
Postime: 2982
8978.00 Kredite

View Inventory
Send Money to Gresa Pirana


Shiko Profilin
« Pergjigje #5 : Janar 18, 2010, 04:37:11 MD »

 Ushqehu shendetshem

Te hash shendetshem nuk ka te bej me ndonje filozofi strikte te te ushqyerit, te qendrosh i thate ne menyre jo reale, apo te privosh veten nga ushqimet qe i done. Por ka te bej me ju qe te ndiheni mire, te kesh me shume energji dhe te mbash veten sa me te shendetshem qe mundeni dhe e gjithe kjo mund te arrihet duke mesuar bazat e te ushqyerit dhe duke i inkorporuar ato ne nje menyre qe funksionon per ju.
Zgjedh llojet e ushqimeve te cilat permiresojne shendetin tuaj dhe shmang ato lloje te cilat rrisin rrezikun per ndonje semundje sikur semundja zemres, kanceri dhe diabeti. Zgjero morin e ushqimeve te shendetshme duke perfshire ketu edhe nje mori te ushqimeve te kendshme. Meso ti perdoresh udhezimet dhe keshillat per te krijuar dhe mirembajtur nje diet te shendetshme dhe te knaqshme.

Te Ushqyerit E Shendetshem: Strategji Per Diet Te Shendetshme

Me poshte keni disa keshilla se si ti zgjedhni ushqimet qe permiresojne shendetin tuaj dhe ti shmangni ato te cilat rrisin rrezikun per ndonje semundje dhe ne te njejten kohe te krijoni nje plan per nje diet qe funksionon per ju.

Ha Mjaft Kalori Por Jo Shume. Mirembaje nje balance ne mes te kalorive qe merr dhe ato qe hargjone – me fjale te tjera mos ha me shume ushqim se sa i duhet dhe perdor trupi jua. Sasia mesatare e rekomanduar qe lejohoet eshte 2000 kalori por kjo varet nga mosha juaj, gjinia, gjatesia, pesha dhe aktiviteti fizik i juaj.

Ha Nje Mori Te Gjer Ushqimesh. Te hash shendetshem eshte nje raste per ju qe te zgjeroni morin e zgjedhjeve – duke provuar ushqime te ndryshme e veqanarisht perime, frutat dhe produktet e drithrave te plota – ushqime qe zakonisht nuk i keni ngren me pare.

Mbaj Porcionet Mesatare. Veqanarisht tek ushqimet me shume kalori. Ne vitet e fundit madhesia e servimit me ushqim eshte rrit shume e veqanarisht ne restorane. Nese ju servohet nje pjate e madhe me ushqim ne ndonje restorant ateher ndaje ate me dike qe ke afer apo – edhe me mire – porosit pjat mesatare ose te vogel.

Ha Shume Fruta, Perime, Drithera dhe Bime Bishtanjore – ushqime te larta me karbohidrate komplekse, fiber, vitamina dhe minerale, me pak yndyr dhe pa kolesterol. Mundohu te gjesh prodhime te fresket lokale.

Pi Me Shume Uje. Trupi jone eshte 75% uje. Dhe uji eshte nje pjes e vitale e dietes te shendetshme. Uji ndihmone te pastrojme sistemin tone, veqanarisht veshket dhe fshikezen urinare, nga toksinat dhe mbeturinat. Shumica e njerezve e kalojne jeten e tyre te dehidruar.

Kufizo Ushqimet Me Sheqer, Kripe Dhe Produktet E Drithrave Te Rafinuara. Sheqeri i shtohet nje sasie te madhe ushqimeve qe prodhohen. Gjate nje viti vetem nje kanaqe me soda (coca cola) qe ka 160 kalori, mund te shtoj peshen tuaj per 7 kilograme!

Mos U Be Polic Ushqimesh. Ju mund te knaqeni me embelsirat qe pelqeni dhe ushqimet e ferguara ne nje mase perderisa ato jane pjese e rastesishme (here pas here) e dietes tuaj te shendetshme. Ushqimi eshte burim i mire i knaqesise dhe knaqesia eshte e mire per zemren tuaj!

Leviz. Nje diet e shendetshme permireson energjine dhe ndjenjen e mireqenies tuaj gjersa zvoglon rrezikun tuaj ndaj shume semundjeve. Nese shtoni aktivitetin fizik dhe ushtrimet do te bej qe plani i te ushqyerit te shendetshem te funksionoj edhe me mire.

E sa per fund vazhdo hap pas hapi duke futur shprehi (huqe) te reja te ushqimit me ushqime te reja te shendetshme. Cka mendoni, a ka edhe ndonje keshille qe kam harru ta permend dhe qe duhet te shtohet? Nese po, perdor komentet per te treguar.

eriona
« Ndryshimi I Fundit: Janar 18, 2010, 04:44:24 MD nga eriona » Identifikuar

Gresa Pirana
Global Moderator
Qytetar/e Nderi
*****
Jo Ne Linje Jo Ne Linje

Gjinia: Femer
Postime: 2982
8978.00 Kredite

View Inventory
Send Money to Gresa Pirana


Shiko Profilin
« Pergjigje #6 : Janar 21, 2010, 06:44:14 PD »

Me ushtrime ruani kujtesën

Ushtrimet e rregullta aerobike, jo vetëm se do t’u ndihmojnë të ruani vijën trupore, por edhe parandalojnë humbjen e kujtesës në moshë të shtyrë.
Një studim i shkencëtarëve amerikanë ka treguar se aktiviteti trupor me intensitet mesatar (p.sh. ecja, notimi ose joga), mund të zvogëlojnë rrezikun për shfaqjen e vështirësive me kujtesën me kalimin e moshës.

Shkencëtarët nga Universiteti Washington në Seattle, thonë se këto vështirësitë në të mbajturit mend, shpesh i paraprijnë sëmundjes Alzheimer, ashtu që ushtrimet fizike mund ta parandalojnë një gjë të tillë.

Veç tjerash, si pasojë e aktivitetit trupor te femrat është vërejtur edhe përmirësim i ndjeshmërisë ndaj hormonit insulinë.

Telegrafi
Identifikuar

Gresa Pirana
Global Moderator
Qytetar/e Nderi
*****
Jo Ne Linje Jo Ne Linje

Gjinia: Femer
Postime: 2982
8978.00 Kredite

View Inventory
Send Money to Gresa Pirana


Shiko Profilin
« Pergjigje #7 : Janar 22, 2010, 05:52:23 MD »

TABELA E PESHES IDEALE

 

Femra  Meshkujt 
 
 Konformitetet e trupit
 
 Konformitetet e trupit
 
Gjatesia (cm) MADH MESEM VOGEL Gjatesia (cm) MADH MESEM VOGEL
147
 47 - 54
 44 - 49
 42 - 45
 157
 57 - 64
 54 - 59
 51 - 55
 
150
 48 - 56
 45 - 50
 43 - 46
 160
 59 - 66
 55 - 60
 52 - 56
 
152
 50 - 58
 46 - 51
 44 - 47
 162
 60 - 67
 56 - 62
 54 - 57
 
155
 51 - 59
 47 - 53
 45 - 49
 165
 61 - 69
 58 - 63
 55 - 59
 
157
 52 - 60
 49 - 54
 46 - 50
 168
 63 - 71
 59 - 65
 56 - 60
 
160
 54 - 61
 50 - 56
 48 - 51
 170
 65 - 73
 61 - 67
 58 - 62
 
162
 55 - 63
 51 - 57
 49 - 53
 173
 67 - 75
 63 - 69
 60 - 64
 
165
 57 - 65
 53 - 59
 51 - 54
 175
 69 - 77
 65 - 71
 62 - 66
 
168
 58 - 66
 55 - 61
 52 - 56
 178
 71 - 79
 66 - 73
 64 - 68
 
170
 60 - 68
 56 - 63
 54 - 58
 180
 72 - 81
 68 - 75
 66 - 70
 
173
 62 - 70
 58 - 65
 56 - 60
 183
 75 - 84
 70 - 77
 67 - 72
 
175
 64 - 72
 60 - 67
 57 - 61
 185
 76 - 86
 72 - 80
 69 - 74
 
178
 66 - 74
 62 - 69
 59 - 64
 188
 79 - 88
 74 - 82
 71 - 76
 
180
 67 - 76
 64 - 71
 61 - 66
 190
 88 - 91
 76 - 84
 73 - 78
 
183
 70 - 79
 66 - 72
 63 - 67
 193
 83 - 93
 78 - 86
 75 - 80
 

 

Pesha llogaritet në kilogram dhe kur jemi te veshur me rroba të lehta. Pesha ndryshon në varësi të permasave fizike dhe muskujve.


Gjeni konformitetin tuaj fizik si meposhte:


Me gishtin e mesme dhe gishtin e madh të dores formoni nje rreth duke kapur kycin e dores tjeter. Në qoftë se maja e gishtit të mesëm dhe gishtit te madh nuk preken me njerin tjetrin atehere ju keni konformitet te MADH, ne qoftese mezi takohen atehere keni konformitet te MESEM dhe nese ato bashkohen plotesisht atehere keni konformitet te VOGEL.

 

psikologji.net
Identifikuar

Faqe: [1]   Shko Lart
  Printo  
 
Shko te:  

SimplePortal Classic 2.0.5
Mundeshuar nga MySQL Mundesuar nga PHP psikologji.net | Mundesuar nga SMF 1.1.7.
© 2005, Simple Machines LLC. Te Gjitha Te Drejtat Te Rezervuara.
XHTML 1.0! CSS!
Faqja u krijua ne 0.124 sekonda me 22 veprime.