psikologji.net
Prill 20, 2014, 01:43:55 PD *
Miresevini, Vizitor. Ju lutemi identifikohuni ose regjistrohuni.

Identifikohuni me emrin, fjalekalimin dhe kohen e identifikimit
Njoftime: Lexoni materiale të ndryshme në: Psikologji - Gjithçka nga www.Psikologji.net <> Për të pasur të drejta dhe akses të plotë në të gjithë forumin, ju duhet të regjistroheni së pari. Për t'u regjistruar klikoni këtu: Regjistrohuni. Për çdo problem mund të na kontaktoni në: eldi@psikologji.net
 
  Kreu Forum Ndihme Kerko Kalendari Shop Identifkohuni Regjistrohuni  
Faqe: [1]   Shko Poshte
  Printo  
Autor Teme: Çrregullimet e gjumit - Pagjumësia (Insomnia)  (Lexuar 7688 here)
0 Anetare dhe 1 Vizitor po shikojne kete teme.
J@mes
The World Is Yours
Administrator
Qytetar/e Nderi
*****
Jo Ne Linje Jo Ne Linje

Gjinia: Mashkull
Postime: 2802
7483.00 Kredite

View Inventory
Send Money to J@mes


Shiko Profilin WWW
« : Nntor 13, 2009, 09:30:29 PD »

Çrregullimet e Gjumit

Çrregullimet e gjumit perfshijne disomnite dhe parasomnite.
Ne disomnite, siç jane insomnia (pagjumesia) dhe hipersomnia, simptoma kryesore ehste çrregullimi i sasise dhe cilesise se gjumit te bere.
Ne parasomnite, siç jane tmerrimi ne gjume, urinimi ne shtrat dhe te ecurit ne gjume, simptoma kryesore ehste nje ngjarje e pazakonte qe çrregullon gjumin.

INSOMNIA - Pagjumësia patologjike

Kerkesa e madhe per ilaçe gjumi eshte nje simptome e perhapjes se insomnise (pamundesise per te te zene gjumi). Nje vezhgim tregonte se 6% e burrave dhe 14% e grave raportonin se vuanin nga ky lloj çrregullimi te gjumit.
Ka shume shkaqe dhe lloje te insomnise. Disa insomniake i ze gjumi lehte, por shohin endrra sikur jane zgjuar. Si rrjedhoje kur zgjohen, ata ndjehen sikur po perpiqeshin ende qe te flinin. Te tjere e kane te veshtire qe ti zere gjumi per shkak te ankthit, frikes, stresit, depresionit ose problemeve te tjera. Drogat gjithashtu çrregullojne ciklin normal te gjumit.
Disa insomniake vuajne nga nej gjendje e njohur si Apnea e gjumit. Ata i ze gjumi lehte por çohen pasi u ndalet frymemarrja dhe zgjohen duke gulçuar per ajer. Keta mund te zgjohen disa dhjetra here gjate nates.

NARKOLEPSIA

Nje forme e hipersomnise, narkolepsia eshte nje çrregullim i gjumit i karakterizuar nga goditje pa vend te gjumit gjate dites. Personin e ze gjumi ne menyre te paparashkuar gjate dites. Personi i prekur nga ky çrregullim bie drejpersedrejti ne gjumin LSHS, dhe perderisa kjo etape lidhet me paralizimin muskulor perben nje rrezik per individin. Nganjeher shkaktohet nga nje goditje e forte si; emocion i forte, te qeshurit, befasimi, ndezja seksuale. Nje simptome e Narkolepsise jane dhe haluçinacionet hipnagogjike.

E. S. - Psikologji.net
Identifikuar


J@mes
The World Is Yours
Administrator
Qytetar/e Nderi
*****
Jo Ne Linje Jo Ne Linje

Gjinia: Mashkull
Postime: 2802
7483.00 Kredite

View Inventory
Send Money to J@mes


Shiko Profilin WWW
« Pergjigje #1 : Gusht 20, 2010, 09:12:27 PD »

Cfare eshte Insomnia?

Insomnia eshte crregullimi i regjimit te gjumit , veshtiresi per te rene ne gjume dhe per te qendruar ne gjume. Pacientet qe vuajne nga Insomnia kane keto simptoma:

    * Veshtiresi per te rene ne gjume
    * Prishje te gjumit shume here gjate nates dhe veshtiresi per te shkuar serisht ne gjume
    * dalja e gjumit heret ne mengjes
    * ndjehen te lodhur kur zgjohen

Llojet e Insomnias

    * Insomnia Primare. Kur pacientet kane probleme me gjumin pa patur ndonje problem mjekesor tjeter.

    * Insomnia Sekondare. Ku pacientet nuk mund te flene per shkat te ndonje shqetesimi mjekesor (azma, depresion, kancer) kane dhimbje, jane ne disa ilace te caktuar ose ndodhen nen influencen e ndonje substance tjeter (p.sh. alkolit).

Insomnia Akute dhe ajo Kronike

Pagjumesia varion ne sa shpesh dhe sa kohe zgjat. Mund te jete per periudhe te shkurter (akute) ose per periudha te gjata (kronike). Gjithashtu mund te shfaqet edhe me hope, duke patur periudha te tera kur pacienti nuk ka probleme me gjumin. Insomnia akute quhet kur nje person ka probleme per nje nate deri ne nje jave, Ndersa kronike quhet kur personi ka probleme pagjumesie tre dite ne jave per nje muaj ose me teper.

Shkaqet e Insomnias

    * Disa nga shkaqet e pagjumesise akute jane;

    * Stress i madh ne jete (ndryshimi apo humbja e vendit te punes, vdekje ne familje, divorci , etj)

    * Shqetesim emocional ose fizik.

    * Faktore te ambjentit, zhurmat dritat, temperaturat (nxehte ose ftohte) qe nderhyjne ne gjume.

    * Disa lloj mjekimesh mund te ndikojne tek gjumi (mjekimet e azmes, alergjive, ilacet per depresioni, per te ftohtin, per tensionin e gjakut)

    * Prishja e orarit te gjumit (psh kur ndryshon shtet, ose kur ndryshon orarin e  turnit te punes)

Shkaqet e Pagjumesise kronike

    * Depresioni ose ankthi
    * Stresi kronik
    * Dhimbje ose shqetesim naten

Simptomat e Insomnia

Disa nga shenjat e insomnias jane:

    * Pergjumesi gjate dites
    * Te ndjehurit i lodhur  ne pergjithesi
    * Irritim
    * Probleme me perqendrimin ose me memorien

Diagnostifikimi i Insomnias

Mund te behet nga mjeku juaj, dhe mund te perfshije nje egzaminim fizik, historine mjekesore dhe historine tuaj te gjumit. Mund tju kerkohet nga mjeku qe te mbani nje ditar per nje jave ose dy per orarin e gjumit dhe si ndjeheni gjate dites. Gjithashtu mjeku mund te kerkoje nje interviste me personin qe flini per te mesuar cilesine dhe sasine e gjumit tuaj. Ne disa raste egzaminimet ne qendra te specializuara per gjumin mund te jete e nevojshme.

Kurimi i Insomnias

Pagjumesia akute nuk eshte e nevojme te trajtohet me ndonje ilac. Zakonisht nje regjimit i rregullt gjumi eshte efektiv. Ne qofte se pagjumesia ju pengon funksionimin normal gjate dites, atehere mjeku mund tju rekomandoje ilace qe ndihmojne gjumin, zakonisht keto jane ne doza te lehta dhe me efekt te shkurter per te mos shkaktuar pergjumje gjate dites. Evitoni blerjen dhe pirjen e ilaceve te gjumit sepse mund te kene efekte dytesore dhe perdorimi i tyre per nje kohe te gjate ben qe te humbasin efektin.

Kurimi i pagjumesise kronike behet duke kuruar shqetesimet mjekesore qe e shkaktojne si psh dhimbja. Ne qofte se insomnia vazhdon pas trajtimit te problemeve mjekesore atehere mjeku mund te sugjeroje nje terapi per regjimin e gjumit. Regjimi eviton veprimet qe mund te shkaktojne pagjumesi, dhe meson pacientit si te praktikoje veprime pozitive per gjumin. (teknika per relaksim, etj.)

Zakone te mira per te fituar mbi pagjumesine

Ja disa keshilla per te mundur insomnian dhe per te mundesuar nje gjum sa me te plote, gjithashtu te quajtur dhe “higjena e gjumit”:

    * Perpiquni te shkoni ne te njejten ore per te fjetur dhe zgjouni ne te njejten ore. Marrja e dremkave gjate dites nuk rekomandohet sepse mund tju mbaje zgjuar gjate nates.
    * Evitoni konsumin e Kafeines, Alkolit dhe Nikoties gjate pasdites. Kafeina dhe Nikotina jane simulante dhe ju pengojne qe te flini. ALkoli mund te shkaktoje nderprerje te gjumit gjate nates dhe prish cilesine e gjumit.
    * Beni ushtrime fizike por jo para se te flini sepse mund te simuloni trupin per te qendruar zgjuar. Ekspertet mendojne qe nuk duhet bere aktivitet fizik me vone se 3 ore para gjumit.
    * Mos hani rende para gjumit, ne te kundert Dicka e lehte mund te ndihmoje.
    * Ndiqni nje regjim relaksimi para gjumi, lexoni nje liber, degjoni muzike apo beni nje banje.
    * Mos e perdorni krevatin per asnjegje tjeter pervec se gjumit dhe seksit.
    * Ne qofte se nuk mund te flini apo nuk jeni pergjumesh cohuni dhe beni ndonje aktivitet te vogel.
    * Ne qofte se vrisni mendjen dhe shqetesoheni per gjera te ndryshme, beni nje liste me ato gjera qe keni per te bere para se te shtriheni per te fjetur qe te mund te qetesoheni kur te jeni ne krevat.

Copyright shendetionline.com
Identifikuar


J@mes
The World Is Yours
Administrator
Qytetar/e Nderi
*****
Jo Ne Linje Jo Ne Linje

Gjinia: Mashkull
Postime: 2802
7483.00 Kredite

View Inventory
Send Money to J@mes


Shiko Profilin WWW
« Pergjigje #2 : Gusht 21, 2010, 05:19:27 MD »

Rituale të shëndetshme të dobishme në kohën para gjumit
Në ditët e sotme pjesa më e madhe e njerëzve, sidomos ata mbi 45 vjeç, ankohen çdo ditë e më shumë për çrregullime të gjumit. Këto çrregullime shfaqen kryesisht në formën e vështirësisë për të fjetur, zgjimin disa herë gjatë natës, apo fjetjen me lehtësi dhe zgjimin pas disa orësh duke mos mundur për të fjetur sërish.
Duke qenë se këto çrregullime janë tepër të shpeshta, ekspertët rekomandojnë disa udhëzime, të cilët ndihmojnë për të rregulluar problemet e gjumit përfshijnë.

Aktiviteti gjatë ditës
Nëse keni probleme me gjumin, mundohuni të mos flini gjatë ditës, sepse në këtë mënyrë do të çrregulloni ritmin, orën ditore të trupit tuaj. Nëse ndiheni aq i lodhur saqë ju duhet patjetër të flini, mos flini më shumë se 30 minuta gjatë ditës, mundësisht sa më herët. Është e këshillueshme që për një kohë sa më të gjatë para gjumit të mos merrni lëngje që përmbajnë kafeinë apo alkool, kujtohuni se alkooli ndonëse fillimisht vepron si qetësues, ai çrregullon fazat e gjumit. Po ashtu edhe Mos pini duhan, nikotina është një stimulant dhe mund t’iu vështirësojë rënien në gjumë, si dhe ndenjen fjetur. Ekspertët shprehen se ekspozimi ndaj dritës së diellit pasi jeni zgjuar, ju ndihmon të rregulloni orën tuaj biologjike ditore, ndërkohë që mbani ambientin ku ju flini të errët që të mos japë efektin e kundërt. Po kështu edhe aktiviteti fizik në mëngjes, rreth 20 deri 30 minuta ushtrime çdo ditë, iu ndihmon që të bëni një gjumë të qetë. Ushtrimet është e këshillueshme të bëhen në mëngjes, apo mbasdite, dhe jo para kohës së gjumit pasi ushtrimet janë stimulues dhe vështirësojnë fjetjen. Herë pas here është e këshillueshme të kontrolloni nivelet e hekurit në gjak. Sidomos tek gratë defiçiencat e hekurit japin shqetësime të gjumit ndaj marrja me anë të dietës së duhur e hekurit ndihmon edhe në normalizimin e problemeve të gjumit.

Ambienti i fjetjes
Sigurohuni se shtrati juaj është i madh mjaftueshëm dhe i rehatshëm. Provoni lloje të ndryshme krevatësh. Përdorni mbulesa pambuku. Është e gabuar ideja që dhomën e gjumit mund ta shfrytëzojmë edhe për punë. Bindeni veten dhe trupin tuaj se ai ambient është për të fjetur dhe duhet të jetë i qetë dhe i rehatshëm. Një orë e madhe, e ndriçuar, digjitale mund të shkaktojë fokusimin tuaj tek ajo, e për rrjedhojë ju mund të ndjeni ankth, stres. Prandaj vendoseni orën diku ku ju nuk mund ta shihni gjatë orës së gjumit.

Këshilla
Formoni rituale të shëndetshme në kohën para gjumit. Mundohuni të shkoni në gjumë në të njëjtën kohë, mundësisht edhe gjatë fundjavës. Relaksohuni para se të shkoni për të fjetur. Kjo mund të përfshijë meditimin, ushtrime për frymëmarrjen, një banjë e ngrohtë apo të dëgjoni muzikë relaksuese. Në darkë i duhet kushtuar veçanërisht kujdes ushqimit. Para se të bini për të fjetur duhet të hani pak, ngrënia e sasive të shumta të ushqimeve interferon me ciklet e gjumit. Një gotë qumësht iu ndihmon para gjimit, sepse përmban triptofan, një stimulues natyral i gjumit. Përdorni imagjinatën tuaj që të ndihmoni veten për të fjetur. Nëse s‘flini dot, çohuni nga krevati, bëni një aktivitet relaksues, derisa të ndiheni përgjumësh. Të dëgjoni lajme apo çështje që iu shqetësojnë mund t’iu sjellë probleme me gjumin. Edhe nëse këni probleme me gjumin çohuni dhe hani diçka që përmban triptofani cili bllokon serotoninën që është një neurotransmetuese. Serotonina është përgjegjëse për pagjumësinë.
Ushqimet të cilat përmbajnë triptofan janë qumështi, akullorja, kosi, djathi etj.

Tabela
Këshillat e mjekëve për të pasur një gjumë të qetë:

- Është mirë që të mos flini gjatë ditës
- Kufizoni kafeinën dhe alkoolin
- Mos pini duhan, nikotina vështirësojë rënien në gjumë
- Ekspozoni veten ndaj dritës së diellit
- Bëni ushtrime fizike herët në mëngjes
- Kontrolloni nivelet e hekurit në gjak
- Relaksohuni para se të shkoni për të fjetur
- Mos bëni asgjë stimuluese
- Mbani dhomën e gjumit të qetë, dhe të rehatshme

Si shfaqet pagjumësia dhe llojet e saj
Pagjumësia fillon nga mendimet e tepërta për të nesërmen, probleme, mosfunksionimi në punë, lodhje, dobësi, depresion etj., dhe kjo mënyrë e vazhdueshme e të menduarit shkakton çrregullimet e gjumit. Si pasojë e këtyre trysnive, personi fillon të obsesojë mbas gjumit deri sa kthehet në një pamundësi, ankth dhe se fundi në një fobi. Nga ana e tyre çrregullimet e gjumit përfshijnë disomnite dhe parasomnite. Në disomnite, siç janë insomnia (pagjumësia) dhe hipersomnia, simptoma kryesore është çrregullimi i sasisë dhe cilësisë së gjumit të bërë. Në parasomnitë, siç janë tmerrimi në gjumë, urinimi në shtrat dhe të ecurit në gjumë, simptoma kryesore është një ngjarje e pazakontë që çrregullon gjumin. Prandaj këshilla e parë është të relaksoheni dhe të jeni të qetë.

Nënat vuajnë më tepër nga pagjumësia
Nënat që punojnë janë gjithnjë e më të stresuara nga mungesa e gjumit, sipas një ankete, prindërit sot kanë shumë pak kohë, fëmijët e ndjejnë stresin e prindërve të tyre dhe qëndrojnë zgjuar. Në vitet ‘60 ose ‘70, pjesa më e madhe e nënave nuk punonin dhe nuk ishin kaq të shqetësuara, kur bëhej fjalë për të vënë në gjumë fëmijët. Anketa tregon se nënat e të porsalindurve kanë më pak kohë për të fjetur në krahasim me para tridhjetë vjetësh, tri orë në krahasim me pesë orë që kishin nënat e tyre. Sipas sondazhit, mungesa e gjumit prek fillimisht nënat e reja. Tridhjetë e shtatë për qind e këtyre grave pranojnë se mungesa e gjumit mund t’i çojë deri në depresion. Anketa tregon gjithashtu se 68 për qind e nënave ndjenin nevojën për të parë fëmijën e tyre kur janë në punë.

Gjumi i tepërt rrezik për shëndetin
Studiuesit amerikanë kanë mbërritur në përfundimin se ata që flenë shumë orë natën rrezikojnë të vdesin më shpejt se ata të cilëve u mjaftojnë shtatë orë gjumë. Studiuesit kanë hetuar mbi një milion njerëz të moshave 30 deri 102 vjeç. Gjatë atyre gjashtë viteve që zgjati studimi vdekshmëria ishte më e ulët midis atyre që flinin shtatë orë përnatë, duke pasur parasysh edhe moshën, nëse personi pinte duhan dhe problemet e mëparshme shëndetësore. Atyre që flinin të paktën një orë më tepër ose më pak u rritej ndjeshëm rrezikshmëria për të vdekur. Rrezikshmëria për të vdekur rritej me 15 % tek ata që flinin 8 deri 9 orë ose më pak se 4 ose 5 orë. Ekspertët thonë se shtatë deri në nëntë orë gjumë rekomandohen për të zotëruar një performancë shumë të mirë mendore dhe psikologjike.

Pagjumësia dhe mungesa e regjimit
Të gjithë e dimë që regjimi stabilizon organizmin tonë. Të abuzosh me gjumin do të thotë të plakesh para kohe. Pagjumësia e vetëstimuluar është problematike, sepse fytyra e shfaq stresin dhe lodhjen më shumë se çdo gjë tjetër. Kur vendos të bësh një investim për veten, duhet të zbatosh këshillat me rigorozitet, sepse në të kundërt shpenzon para dhe kohë kot. Efiçenca e trajtimit nuk është në nivelin e dëshiruar. Pagjumësia dhe mungesa e regjimit çakordojnë organizmin. Stimulojnë rrudhat, rrathët e zinj poshtë syve, si dhe borsat e syve. Të vendosësh rregull është domosdoshmëri. Nëse je mësuar të qëndrosh pa gjumë, mësohesh shumë kollaj të flesh, duke shkuar në shtrat gjysmë ore më shpejt derisa të vendosësh një orar të rregullt.

Burimi: Tirana Observer
Identifikuar


J@mes
The World Is Yours
Administrator
Qytetar/e Nderi
*****
Jo Ne Linje Jo Ne Linje

Gjinia: Mashkull
Postime: 2802
7483.00 Kredite

View Inventory
Send Money to J@mes


Shiko Profilin WWW
« Pergjigje #3 : Gusht 21, 2010, 05:30:46 MD »

Pagjumësia, këshillat e mjekëve për të fjetur gjumë

Çfarë masash duhet të merrni kur përdorni pilulat dhe efektet e tyre. Sereno dhe Valerina, dy ilaçet bimor që luftojnë pagjumësinë

Të shtrihesh dhe të kesh një “gjumë të ëmbël” siç është edhe urimi, për miliona vetë në botë, është një sfidë më vete. Për disa, nocioni i gjumit është shndërruar në imazhin e një beteje të përnatshme me nënkresën, me çarçafët, me ëndrrat e zhgjëndrrat dhe gjithçka që të pengon, ose t’i mendon se të pengon të bësh një gjumë të qetë. Sipas statistikave të fundit evropiane, në kontinentin tonë një në katër persona vuan nga pagjumësia kronike. Shkencëtarët kanë përcaktuar 75 forma të ndryshme pagjumësie duke filluar që me problemet e gërhitjes, te dhimbja e këmbëve, ngërçet e spazmat e shumta e në pjesë të ndryshme të trupit, të folurit në gjumë, somnambulizmi, i cili ndonjëherë kthehet edhe në rrezik shumë të madh për personin që e ka, e deri tek aritmitë dhe çrregullimet e zemrës. Rreth 31 për qind e njerëzve, përfshi fëmijët dhe adoleshentët mund të kenë më shumë se një çrregullim të tillë në të njëjtën kohë dhe për më tepër mund ta kenë edhe për shumë net rresht, pra në formë kronike.

Pagjumësia
A duhet të flemë njësoj gjatë gjithë jetës sonë? Ne shpenzojmë një kohë të madhe të jetës duke fjetur. Foshnjat flenë praktikisht 24 orë në ditë. Fëmijët e vegjël bëjnë dremitje të vogla. Të rinjtë dhe adoleshentët flenë nga 8-9 orë në natë, ndërsa të rriturit flenë 7-8 orë ose edhe më pak. Shumë persona më të moshuar kanë nevojë për më pak orë, ndoshta 5 ose 6 dhe gjithashtu kanë tendencën për ta pasur gjumin shumë të lehtë. Mjekët shpjegojnë pse të moshuarit flenë më pak. Personat në moshë të thyer, ndoshta nuk kanë nevojë të flenë shumë ose janë të aftë të flenë po aq sa edhe të rinjtë. Kjo mund t’i dedikohet stilit të jetesës sepse ata flenë më shumë gjatë ditës, për shkak të kohës së lirë. Gjumi i ditës i bën ata të mos flenë natën.
Termi pagjumësi i referohet paaftësisë për të fjetur ose për të qëndruar në gjumë për një kohë të gjatë. Kjo mund të shkaktojë lodhje të vazhdueshme dhe ndikon shumë negativisht në jetën tuaj të përditshme. Studimet e fundit kanë treguar se nuk është i pakët numri i personave që vuajnë nga pagjumësia, ata përbëjnë 39% të popullsisë. Stresi, depresioni dhe shqetësimet janë shkaqet kryesore që çojnë në pagjumësi. Sëmundjet e ndryshme janë një tjetër shkak i mundshëm dhe veçanërisht nëse ka dhimbje apo siklet.

Trajtimi
Ka shumë lloje pilulash që përdoren për të fjetur gjumë. Megjithatë është e rëndësishme që të mos përdoren pilulat për të fjetur. Kjo mund të ndodhë sepse trupi juaj fillon të varet nga mjekimet dhe me kalimin e kohës ju do ta keni të vështirë për të ndaluar së marri tabletat që ju sjellin gjumin. Ndoshta do t’u duhet të merrni shumë dhe gjithmonë edhe më shumë për të arritur efektin e dëshiruar sepse trupi juaj bëhet shumë tolerant. Ato mund t’i lënë ndjenjat tuaja të përgjumura dhe letargjikë në mëngjes. Dy ilaçe bimor tepër të efektshëm kundër pagjumësisë janë ai i quajtur Sereno me lulen e Manjolës dhe Valerina. Këto ilaçe gjenden në formë kapsulash ose çaji dhe janë të pasur me lëndë të tjera ushqyese për të cilat truri ka nevojë për të pasur një gjumë të qetë. Megjithëse ka një erë jo të këndshme çaji i përgatitur me pluhurin e valerianës ka dhënë efekte mjaft pozitive për të luftuar pagjumësinë. Falë përbërjes së tyre këta dy ilaçe bimor sjellin qetësi dhe sigurojnë një gjumë natyral. Ilaçet kundër parkinsonit dhe antikonvulsantët të çlodhin këmbët. Disa mjekime të tilla përdoren edhe për të ndihmuar fjetjen, sepse janë relaksuese dhe qetësuese, edhe pse kanë një efekt dytësor si dhimbja e kokës.

Cilat janë çrregullimet e gjumit
Çrregullimet e gjumit përfshijnë disomnitë dhe parasomnitë. Në disomnitë, siç janë insomnia (pagjumësia) dhe hipersomnia, simptoma kryesore është çrregullimi i sasisë dhe cilësisë së gjumit të bërë. Në këto kushte trupi juaj do të jetë gjithmonë i lodhur po ashtu edhe sistemi nervor. Në parasomnitë, siç janë tmerrimi në gjumë, urinimi në shtrat dhe të ecurit në gjumë, simptoma kryesore është një ngjarje e pazakonte që çrregullon gjumin. Ky është një çrregullim që në pjesën më të madhe të rasteve prekin fëmijët e vegjël, gjendje e cila mund të zgjasë deri në moshën 15-vjeçare.

Çfarë është dhe kur shfaqet insomnia
Kërkesa e madhe për ilaçe gjumi është një simptomë e përhapjes së insomnisë (pamundësisë për të të zënë gjumi). Një vëzhgim tregonte se 6% e burrave dhe 14% e grave raportonin se vuanin nga ky lloj çrregullimi të gjumit. Ka shumë shkaqe dhe lloje të insomnisë. Disa insomniakë i zë gjumi lehtë, por shohin ëndrra sikur janë zgjuar. Si rrjedhojë kur zgjohen, ata ndjehen sikur po përpiqeshin ende që të flinin. Të tjerë e kanë të vështirë që t’i zërë gjumi për shkak të ankthit, frikës, stresit, depresionit ose problemeve të tjera. Drogat gjithashtu çrregullojnë ciklin normal të gjumit. Disa insomniakë vuajnë nga një gjendje e njohur si Apnea e gjumit. Ata i zë gjumi lehtë, por çohen pasi u ndalet frymëmarrja dhe zgjohen duke gulçuar për ajër.

Narkolepsia, gjumi i paparashikuar
Një formë e hipersomnisë, narkolepsia është një çrregullim i gjumit i karakterizuar nga goditje pa vend të gjumit gjatë ditës. Personin e zë gjumi në mënyrë te paparashikuar gjatë ditës. Përgjithësisht është një gjendje që prek të moshuarit ose të rriturit mbi moshën 45-vjeçare. Personi i prekur nga ky çrregullim bie drejtpërdrejt në gjumin LSHS dhe përderisa kjo etapë lidhet me paralizimin muskulor, përbën një rrezik për individin. Shkaktohet nga një goditje e fortë si emocion i fortë, të qeshurit, befasimi, ndezja seksuale.

Sa ndikon pagjumësia në tru
Pagjumësia mund të shkaktojë ndalimin e qelizave të reja në tru, sipas sugjerimit të një studimi. Një grup studiuesish zbuloi se pagjumësia ndikon në atë që në gjuhën mjekësore quhet Hipocampus dhe shpjegohet të jetë rajon i trurit që ka të bëjë me krijimin e memories. Studimet e kryera rreth formimit të trurit tregojnë se ato që sjellin efekte në tru janë pikërisht hormonet e stresit. Studimet janë kryer te kafshët duke marrë disa prej tyre dhe duke i lënë 72 orë pa gjumë. Pastaj, janë krahasuar kafshët e lodhura prej gjumit me ato që kanë kryer procesin normal të fjetjes dhe kanë zbuluar se ato që nuk kishin fjetur, kishin një nivel me të rritur të hormoneve të stresit, që quhet ndryshe corticosterone, shoqëruar kjo edhe me rënien e ritmit të prodhimit të qelizave të reja në tru dhe pikërisht në zonën e quajtur hipocampus.

Këshilla për personat që vuajnë nga pagjumësia:

Ushtrimet ju ndihmojnë që të flini, por evitoni ushtrimet e shkurta para se të shkoni në shtrat.

Shkruajini shqetësimet tuaja në vend që të filloni t’i risillni ato në mend ndërsa përpiqeni që të flini gjumë.

Një dush i ngrohtë para se të shkoni në shtrat do t’u vinte shumë në ndihmë.

Konsumimi i alkoolit mund të shqetësojë gjumin tuaj të natës, kështu që një çaj i ngrohtë me kamomil do të ishte një zgjidhje shumë e mirë për të rënë në gjumë.

Evitoni konsumimin e pijeve që përmbajnë kafeinë (kafe, kakao dhe koka-kola), sidomos natën vonë.

Sigurohuni që të jeni shumë rehat në shtrat. Shtrati vetë duhet të jetë i ajrosur dhe i ngrohtë.

Në dhomën tuaj krijoni një mjedis të qetë dhe të ngrohtë.

Mos shkoni në shtrat derisa të ndiheni të lodhur. Para se të flini, pini një çaj bimor që ndihmon gjumin.

Seksi para se të jetë koha për gjumë mund të jetë një mënyrë për të përafruar gjumin tuaj. Meshkujt mund të flenë pas seksit, ndërkohë që femrat mund të mbeten shumë energjike.

Lexoni një libër derisa të ndiheni të përgjumur. Nëse nuk jeni në gjendje të flini, çohuni përsëri. Uluni dëgjoni pak muzikë ose vazhdoni të lexoni derisa të kalojë gjysmë ore. Atëherë gjumi me siguri që nuk do “t’u bëjë naze”.

Zgjohuni në mëngjes në të njëjtën orë çdo ditë. Vini orën në zile dhe çohuni menjëherë nga shtrati, edhe nëse natën e shkuar keni qëndruar zgjuar deri vonë. Në këtë mënyrë, në fund të ditës ju do të ndiheni më të lodhur dhe do të flini në kohën e duhur. Nëse e bëni këtë gjë për disa ditë të mjaftueshme, do të sistemoni me sukses kohën për gjumë.

Për udhëtime të gjata me avion apo ose autobus, do të ishte mirë që të merrni një pilulë për gjumin nëse keni probleme me gjumin. Kjo duhet të jetë një pilulë shumë shpejt e efektshme me një efekt të limituar nga 5-6 orë. Duhet të konsultoheni me mjekun tuaj personal para se të merri medikamentin. /lajme.shqiperia.com/
Identifikuar


J@mes
The World Is Yours
Administrator
Qytetar/e Nderi
*****
Jo Ne Linje Jo Ne Linje

Gjinia: Mashkull
Postime: 2802
7483.00 Kredite

View Inventory
Send Money to J@mes


Shiko Profilin WWW
« Pergjigje #4 : Tetor 29, 2010, 08:15:57 PD »

Pagjumësia (Insomnia) është çrregullimi i regjimit të gjumit , vështirësi për të rënë në gjumë dhe për të qëndruar në gjumë.

Ne moshen e femijërise deri ne adoleshence, ne raste jo te jashtëzakonshme, femijet nuk flenë gjume jo se nuk u flihet, por mendojne se jane te rritur tashme dhe deshirojne te flenë ne ore te vona. Situata eshte e njejte edhe te adoleshentet, por ajo paraqitet me problematike.

Adoleshentet e mundojne trupin e tyre duke qëndruar zgjuar para kompjuterit, studiuar ose duke pare televizor deri ne ore te vona te nates, nderkohe qe organizmit te nje adoleshenti i nevojitet 7-9 ore gjume ne dite. Javet e para, organizmi i adoleshentit do ta kerkojë gjumin pas nje orari te caktuar te nates, por neglizhenca e adoleshentit dhe konsumimi i kohes si , do ta kthejë kete situate ne nje gjendje kronike. Në vazhdimësi, trupi i tij do te jete i ploget, i pafuqishem gjate dites dhe ne maksimumin e aktivitetit te tij ne oret e vona te nates.


Simptomat e Insomnisë

• Pergjumje gjate dites
• Ndjesia e te qenit i lodhur gjate dites
• Irritim
• Probleme me perqendrimin ose me kujtesën

Insomnia Primare

Kjo lloj insomanie vihet re te pacientët që kane probleme me gjumin pa patur ndonje problem mjekësor dhe rëndom ndeshet me shenjat e saj tek adoleshentët.

Insomnia Akute dhe Insomnia Kronike

Pagjumesia mund te jete per një periudhe te shkurter (akute) ose per periudha te gjata (kronike). Gjithashtu mund te shfaqet edhe me hope, duke patur periudha te tera kur pacienti nuk ka probleme me gjumin.

Shkaqet e Insomnisë

• Stresi (provime te rendesishme, vdekje ne familje, divorc, etj.)
• Shqetesim emocional ose fizik.
• Faktore te mjedisit: zhurmat, dritat etj.
• Prishja e orarit te gjumit.

Megjithëse mund te duket i pamundur aplikimi tek adoleshentet, por inkurajimi per fjetje dhe zgjim ne te njejten ore çdo dite, duke perfshire edhe ditet e pushimit, eshte shume i rendesishëm per stabilizimin e gjumit tek ata.

Rekomandohen ushtrime fizike, por jo para orarit te gjumit, sepse e stimulojne trupin te jete me aktiv dhe nuk ndihet më nevoja per gjume.

Po kështu, në këto raste, adoleshentëve do t’u vinte në ndihmë një regjim qetësie para gjumit, si: leximi i një libri, dëgjimi i muzikës së lehtë apo berja e nje banje, e cila e stimulon ardhjen e gjumit. /Telegrafi/
« Ndryshimi I Fundit: Tetor 31, 2010, 07:21:05 PD nga J@mes » Identifikuar


Faqe: [1]   Shko Lart
  Printo  
 
Shko te:  

SimplePortal Classic 2.0.5
Mundeshuar nga MySQL Mundesuar nga PHP psikologji.net | Mundesuar nga SMF 1.1.7.
© 2005, Simple Machines LLC. Te Gjitha Te Drejtat Te Rezervuara.
XHTML 1.0! CSS!
Faqja u krijua ne 0.132 sekonda me 21 veprime.